افتراضي طريقة عمل الزبادى البلدي في البيت

صباح الخير على بنت بلدي

جايب لكوا طريقة عمل الزبادى فالبيت بدون حضانه ولا جهاز عمل الزبادى اللى بالكهربا طريقة سهلة جداااااا
ندخول فالموضوع وبلاش رغى
بصو بقى

نغلى كيلو لبن ونتركه يبرد خالص

لا تقولى نخليه دافى زى دمعة العين ولا حاجه

ونضيف عليه معلقة خميره ...اللى هى معلقة زبادى

نربها ونضيفها على اللبن

وبعدها يا ستى سخنى الفرن جامد يعنى عشر دقائق كده مولعه الفرن تسخن

ومتقوليش نخليها دفيه ولا معرفش ازاى لاء..سخنه يعنى سخنه

وبعدين يا ستى نصب اللبن اللى عملناه بكوبايات او سلاطين فخار

ونرصه فى صنيه فيها شوية مايه

ونغطيه بقطعه من القماش او صنيه تانيه

ونطفى الفرن وندخل الصنيه الفرن ونقفل عليه

ومتقربيش من الفرن لمدة 6 ساعات على الاقل

ولا تفتحى تشوفى ولا حاجه

وبعدها تطلعيه من الفرن يكون جمد ومسك وميسردش مايه ولا حاجه
ولا يكون خفيف

وحطيه فى التلاجه

وبالهنا والشفا زبادى نضيف وشغل ايدك

ورمضاااااااااااااااااااان كررررررريم